muftexor
Li pirtûka:
Gird û Ko
Berhema:
Nafi Mezher (1913-1998)
1 Xulek
840 Dîtin
boçî bibme nokerit gerdin kułuftî muftexor
deste deste ker ekey xełkî be neyreng û be zor
xełkî tir bo tîkeyek nan areq eřjênêt aw
to be mufte wa leser sifret te’amî corbecor
zorkesîş nayxiwat û eyhênêt lebo to małekey
mes’eley meşhûre bo milbore małî xonexor
nokerî ton gişt keranî şarî lacan û şino
gyanfîday tone gewcekanî seqqiz û bane û nenor
bo giskidanî mebalit ḧazirin bêmêşkekan
zor ’eqłisûkîş le layan fexre bibne kaseşor
řoj be řoj eynêyte ser yek eskenas û zêř û zêw
meḧfeze û sindûqekanit qufił ekeyt û lak û mor
hênde xwên û moxî em xełket wekû zarû mijî
mêşk û moxyan la nemawe herwekû darî kulor
boç lewaney wa feqîrin werdegêřî řûy řeşt
lay ewaney serbizêwun bo tewazû’ milte şoř
her ewendet pê ełêm dinya beqay bo kes nîye
tozê wîcdan û xudat bîrbê le pêş tedfîn û goř!