qewmî kurd...
beboney hatnewey laşey çwar efsere qaremanekewe bo silêmanî le sałî 1947da witrawe
Li pirtûka:
Dîwanî Fayiq Bêkes
Berhema:
Fayiq Bêkes (1905-1948)
1 Xulek
3553 Dîtin
qewmî kurd îspatî kird bo ’alemî ser řûy zemîn
mîlletêkî qaremanin her ebê serbest bijîn
mîlletê lawî le řêgey serbexoyîy nîştiman
bête ber sêdare, bê tirs, dem bexende û pêkenîn
qewmî wa namrê, ejî, ba dujminî her şeq berê
saḧêbî řołey neberde? xawenî ’ezmî metîn
ew kesey gyanî le řêgay nîştimana bext eka
pêy mełên mirdû, şehîde wa le fîrdewsî berîn
lawî kurd merde le mirdin qet’îyen bakî nîye
pendî pêşînane, řaste «berxî nêr bo serbiřîn»
wa weten dîsan bemeḧzûnî ełê ey lawekan
bo çî wa mat û melûln, besyetî şîn û girîn
řojî têkoşane sa dey hîmetê taku zuwe
beşku lem ḧałe necatman bê û le dîlî derbiçîn
gerçî hendê kes xerîkin wirg û gîrfan piř eken
şew bebê xem ser enêne ser serîn, her serserîn
pyaw ebê da’îm xemî qewm û wiłatî xoy hebê
ew kesaney bê xemin ḧaşa newey em xake nîn...