îmaretî şîrwan

şerefname ełê le weqtî înqîřazî ḧikûmetî eyûbyey sûryeda (626 h), yekê lew xanedane hatbuwe ḧesenkêf û lewê îmaretî «melkan»y damezrandibû. bawik û bapîrî umeray şîrwan, le îmaretî melkanda wezîfey wezaretyan bû, le xanedanî eyûbîy ḧesenkêf bûn. sê bira lemane (’îzzeddîn, bedreddîn, ’îmadeddîn) le tarîxêkda hatûne «kifra» û be yarmetîy ḧikûmetî ew nawe le kifrada îmaretêkyan damezranduwe.

lem xanedane ewweł emîr, mîr ḧesen kuřî îbrahîm buwe û em emîre le ḧałî ḧeyatîda îmaretekey le beynî kuřekanya beş kirduwe û hemûyan tabî’î emîrî kifra bûn.

em îmarete û qołekanî (şebistan, îron, wîl, kifra) le ewa’îlî dewrî ’usmanîşda mabuwe û lew zemaneşda muddetêk dewamî kird.