pařanewe le xuda bo lêbûrdin le guna û řizgar bûn
Li pirtûka:
Dîwanî Aẍa ’Înayet
Berhema:
Aẍa Înayet (1881-1957)
3 Xulek
1367 Dîtin
řozgar şîşey ’umirim şiksiten
řagey umêdî ḧeyatim besten
teklîfim êden perê řay necat
munacat kerûn qazî alḧacatErebî
yařeb be ḧacet řesûlî serwer
qazîwilḧacat řûy deştî meḧşer
yařeb be ḧacet celal û eqdes
destigîrî mezłûm ẍerîb û bêkes
yařeb be ḧacet zûlcelalî wêt
be ’erşî ’ezîm layezalî wêt
yařeb be ḧacet pêẍemberanit
be ’erş û kursî qetrey baranit
yařeb be ḧacet şay duł duł swar
murteza ’elî kuşnidey kuffar
be eşkî dîdey fatîmey zehra
hem bew şehîdan deştî kerbela
be nałey derûn ’ebdałanî ber
mekêşan nedił wadey sub seḧer
beseday ezan ełłahû ekber
be şu’ley cemał pakî pêẍember
yek řay necatê binêre ne wer
be şerafetî seyîdî serwer
be destê bestey zîndanîyanit
esîr û mezłûm goşey şaranit
cem’î zîndanî ekiradî bedbext
firyad řesî ker ney fişarî sext
de sałen zûxaw carîyen lêman
beşerê nîyen řeḧim kero pêman
yařeb beḧacet îsmî e’zemit
bew melaykan xas meḧremit
yekem car bew řeḧim bê payaneket
bew ’eta û kerem bê samaneket
pîr û axir şeř ’asî û ’usyanbar
qebûł ker wenem tewbe û îstîẍfar
xalq û zatit ẍeyr ce lutfî wêt
řay umêd qet’en mexfî nîyen lêt
aga ne eḧwał derdedaranî
şefa dehendey kul bîmaranî
em dirde dûçar êmeşan kerden
her satê sed new’ beter ce merden
kerîm kerem ker kerem bê şumar
zîndegî pêman bîyen zehrumar
yařeb bo be ’îşq xasanî dergat
ẍerîb û bêkes dûr keftey wiłat
mezłûmî ême ce ḧed wîyerden
îḧyaman kere henasem serden
bexşeman we nûr pakî pêẍember
ney zîndanî tar wesen derdî ser
řeḧmê ker we ḧał ’ayle û seẍîr
yařeb necatê ney dam û zencîr
taqet û sebir û ḧewsełe biřyan
yekser temam bî perdey dił diřyan
zeřřeyê îman ce mû barîkter
ha wexten şeytan baweroş we ber
quwey wicûdîm, kul ne beyn şîyen
’umirim ce penca û çwar řed bîyen
’eynim bê ’eynek tem û buxaren
zîndegî perêm çun zehrî maren
yaxuda we řeḧimit karê bisazî
ba kota kerûn řûde dirazî
îstîd’am êden ce lay xudawen
şad kerom dîdar ’ayle û firzen
’umrî tebî’î ser aman coşo
qebûł meferma çî ẍurbet berşo
arezûm êden ya ḧeyî dawer
ney zîndanî sext bawerîm we ber
quwey wicûdî û serwetî dinya
kul temam bîyen řîşeman kinya
bedterîn zûxaw dinya kul werdim
yek řo asayş we ser newerdim
neḧîf û ze’îf pîr û giriftar
ẍerîb û bêkes, muḧtac, derdedar
’inayetNasnava edebî ferdit kul munacaten
serta we payîn do’ay ḧacaten
kafîyen wesen ser derd mawero
umêd hen xuda qebûłş kero
îltîcam êden ce lay hamseran
we yek fatîḧe řoḧim şad keran
do’ay meẍfîret ne dergay dawer
dirêẍ nekeran beşqî pêẍember