ḧikûmetî eyûbîy ḧemma
le dway eme ke lîway ḧemma kewte des eyûbî, sułtan selaḧeddîn day be melîk elmuzefferî kuřî teqyeddîn ’umerî biray û netewey em emîre lêreda ḧakim bûn û dayme çawyan lewe buwe ke legeł ḧukmidare gewrekanî eyûbî baş řabwêrin. le weqtêkda ke holako hate ser sûrye, neyantiwanî beramberî řawêstin û le dway şikan û geřanewey holako le sûrye, bûne tabî’î ḧikûmetî memlûkî mîsir. em xanedane le tarîxî 698 h.da le naw çû. birazay axîr melîkî ḧemma, mu’erîx û ’almî meşhûr, emîr ebulfîda îsma’îl bû û legeł sułtan miḧemed elnasirda îştirakî şeřî kird. ew sułtane zorî xoş ewîst û ḧemmay daye û ’înwan û ḧiqûqî sułtanîşî daye. le îdarey ebulfîdada şarî ḧemma zor tereqî kird. qebrî em emîre gewre lewêye.
le dway sułtan ebulfîda, melîk efzel miḧemedî kuřî, be sebebî bêîdareyî xoy, emnyetî sułtanî mîsrî zay’ kird û nîhayet gîra û le şamda qełabend kira û bem terḧe dwayî ḧikûmetî eyûbîy ḧemma hat.