kurdî bilûcistan û hîndistan

’eşîretî biraxoy here bequwetî ’eşa’îrî kurdî êren. merkezî kesafetyan le dewrî «kelat»e le «ketta»we ta «las bella» nizîkî 220 mîl, mentîqey em ’eşîreteye. le «bilûc» kemtir, bełam be ḧukim û nifûztirin. ḧakmîyetî merkezî bilûcistan, ke «kelat»e, be des ře’îsêkî em ’eşîreteweye ke le firqey kamberanîye. dû beşî gewreye: serawan (biraxoy serû) û cahlewan (biraxoy xwarû).

derḧeq be mensûbîyyetî em ’eşîrete be qewmî kurd be’zê şubhe nwênrawe, bełam lam waye em şubhane ze’îfe çunke nawekeyan delîlêkî bequwete.

bêcge lemeş ’eşîretêkî kurdî gewre û xalîsîşyan le nawdaye ke kurdigelî meşhûre û esasî biraxoy teşkîl eken. řenge le ẍerbî êranewe bo êre hatbin. zaten ’eşîretî biraxoyş ebê lewêwe hîcretî kirdibê.

mîqdarî nifûsî em ’eşîretî biraxoye 300000 kesêke (înisqilopedyay îslam).

le hîndistanîşa be’zê lem ’eşa’îre heye û le wiłatî sendida sakînin. nifûsyan 48180 kesêke. em ’eşîretî biraxoye hemûy sunnî mezhebin. zimanekeyan be’zê kelîmey bilûcî û êranî têkewtuwe û lehcekeyan nizîkî lehcey hîndî merkezî dirawîde, be tebî’et em ḧałe netîcey îxtilat û dirawsêyetîye. serf û neḧuyan, teqrîben ’eynî serf û neḧwî bilûcîye. bêcge le ’eşîretî biraxoy, le naw ’eşa’îrî bilûcda dû ’eşîretî tirî kurdîş heye ke be mamesenî (mam ḧesenî) meşhûrin û emaneş dîsanewe ebê le ẍerbî êranewe hatbin (înisqilopedyay îslam).