çil û yekem:

lêkdanewe..
galîskeyekî.... dû espî
leser şanî..... hełî girtûy
şeqam: şorrawî barane û
bergekanit
hawînen
hewr: bot buwe beçetir û
xewnekanit
bê wênen
bergekanit:.... bê wênen
xewnekanit..... hawînen
minîş darkajêkî kenar řêgeketim
minî řêbwar
xemî esp û bergeketim
bergekanit:
hawînen û degeřêyewe koşkeket
perş û
biławît û
şeket
bełam aya?!
lewê cêyek şik debînî
weku diłî min
nerim!
lewê cêyek şik debînî
wek amêzî min
germ!
eger wabû
espî galîskeket herdû
berełay sarayan dekem
çunke herdûk
destî mine,
ferman
dedem
galîskekeş, bisûtêne
çunke ewîş
diłî mine.
êsta, zanît!
bo lêxuře ’aşiqekey nařwanête toy nazdar û çaw debřête řîze darkajî
kenaran!
êsta zanît!
ger nezanî çî derdebiřim?
bergekanit
dadediřim!
gerçî hemû taze şî’irin
bełam xatûn ba nemênin
çunke hełey...
şa’îrêkî
şêt û wêtî weku minin