wadekey ḧeme û daykî

1
lawandinewey daykî ḧeme
dway şehîdbûnî bawkeket
to hawdemî tenyayîm bûy
to teselay dinyayîm bûy
to ḧemekey minî kostikewtey dayîm bûy
řołe lem xake şîrîne - kawil buwe
bo diłim, awedanî bûy
bo gyanim, mêrg û kanî bûy.
leber xofî xwa nebuwaye
kitêb û defterekantim,
le bergî sewz hełdekêşa
qełemeketim dekirde,
dardestekey destî mûsa
lepiř
katêk be xom zanî
hawřêket hat bepenhanî
witî: ewe kitêb û defterî
ḧeme çawřeşekey toye
nameyekî bo nûsîwî le bergî em kitêbeyan
emřo hatin, bezor birdyan
ewey şya û neşya, kirdyan
ay ḧeme gyan
çon besaẍî destigîr kiray?!
ay ḧeme gyan
2
namey bergî kitêbekey ḧeme bo daykî
lomem meke daye gyan
çawim lêye diřindekan, le berdergan
qutabxaneke gîrawe
lewe deçê
minyan bwê
xemit nebê
ew ḧebey bo, xokuştinim danawe
wa-le destima û zor leserxom
min her leser wadekey xom
besaẍî destigîr nakirêm
her ke zanîm minyan dewê
xêra deyxom
ba hawřêkanim hełneyen, berdewam bin
lomem meke dayegyan
detsipêrim be xebatî berdewamî
kirêkaran.