pêşekî

xwêndewarî beřêz: em deste hełbestey kak diłşad merîwanîKes ke le berdestidaye, çunke noberey berî baxêke, baxewane lawekey be hełsukewtêkî piř eşkence û azar le şewanî tarîk û řojanî piř temumijda be zeḧmetêkî zor hênawyete berhem, lem řojeda lecyatî ewey xû bidate bezim û řezim û řabwardin, řûy kirduwete em aqare berz û pîroze, boye wa dezanim her leber ewe lelay xwêndewarî têgeyştûy pêgeyştûy diłsoz be cwan temaşa dekirê û cêgey şyaw be xoy bo terxan dekirêt le karwanseray wêjeda û legeł emeşda û leser dawakirdinî xoy ke bewrdî xwêndimewe, ewendey le twanay minda bê bom derkewt be çawpoşîn le natewawîyekî zor kem le nûsyar û bekarhênanî wişe û kêş û qafyeda baxewan twanayekî nihênîy wêjeyîy ewtoy heye, eger peřawî baxçekey be gasnî xwêndewarî û pend wergirtin bikêłrêt û werbidrêtewe û kiştekey be awî řewştî cwan paraw bikirêt û bo hemîşe aw bidrêt, dwařoj debête yekêk le wêjewane nawdare dyarekan, çunke her lem hełbestaneda ke noberey hełbestyetî, le nawerey (mi’nîErebî) cwanî taze bekarhênrawda destêkî bałay heye, xo le hendê le çwarînekanîda zor serkewtû dyare, boye minîş hîwadarim her serkewtû bêt û lawe taze pêgeyştuwekanîşman em core řêgeye bigirne ber le jyanî dwařojyanda û ewîş lemewdiwa le hełbestekanîda awřêk bidatewe bo nawçey komełayetî û abûrî û řewştî û tendirustî, çunke lem beşeyda ewendey hełbestî diłdarî heye eger îtir wazîş lem core hełbeste bênêt, dwařoj lem řuwewe bedwakewtû najmêrdirêt.