ko ebînewe le dewrî «harî»
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
843 Dîtin
ko ebînewe le dewrî «harî»
bezor baraşman le aş ehařî
êmey le piştîn bewe exuřên
nobe baraşî bêdest ebřên
be hoy êmewe heta way lê dê
le piřê ebê be mîrkuřî dê
ke geyye řîzî elîweys paşa
le dot û destey xoy eka ḧaşa
ełê emane ba le naw berim
neweka minet bixene serim
em bew eşkênê û xoy le penawe
seyr eka û çwarî tirî le dwawe
ezanê ême bendey zordarîn
be keyfî ewan lêk dest berdarîn
înca ke hatu tewaw bawî send
yarîdederî ehawête bend
tałanyan ekaw jinîşyan dênê
emete wefay dostekey dwênê
le dest ew hawar ebene ber xwa
dengî ẍeyb ełê: gořtan bê awa
êwe yarîdey zordartan dawe
hêştakû cezay zortirtan mawe