her darê liqî zor lê bêtewe
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
974 Dîtin
her darê liqî zor lê bêtewe
îtir ewende berz nabêtewe
řûbarîş cogey zorî lê buwewe
guřey namênê le piř çuwewe
wiłatêk ḧîzb û mîzbî têkewê
herçî destî bû, beşî xoy ewê
dûberekanî îlêkî fewtand
sewday serkarî zor diłî řencand
zorî wa heye xoy xoy nanasê
xoy hełdekêşê piř be kirasê
xoy le awêney dîwar ebênê
xerîke be «geř» kilaw bifřênê
eger be «topiz» qołî neşkênî
ekewye jêr bar, doş da’emênî
tirsî dîwanî nebê le nawa
binawanî ḧeq eřwa be awa
em derdîserîye xwastî xwayîye
herçî ebînî lexoy bayîye
le bêkarîye em karubare
tarîkayî şew êware dyare
ke wa, kewtûyne tengu çełeme
gay gêreşêwên bixeye «kełeme»