ke le řûnakî kewtye tarîkî
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
942 Dîtin
ke le řûnakî kewtye tarîkî
çawit nabînê pêwe xerîkî
ebê řawestî ta çawit řadê
ta çawit řadê, kwêrayît dadê
le tarîkîşda şemşemekwêre
kewte řûnakî, nabînê kwêre
emane derdî kutupřîye
qortî negbetî kase piřîye
herçî le piřê ke bû be kuřê
xoy lê egořê, zor berz efřê
dyare ew kesey ke berz efřê
esto şikanî gewcîy pê ebřê
ax ademîzad le xoy bayye!
bo dû řojîş bê şahî şayye
em berzifřîne û em mil şikane
le ademewe îrsî bawkimane
dinya hezaran «fîr’ewn»y dîwe
kelley «key» le jêr xaka řizîwe
dway eweyş ewey dû řojî berkewt
nesrewt ta heway ser kewt û serkewt
dinya şêwawe be kes ça nabê
sa meger dewrî «mehdî» peya bê