xozge emzanî em řeşebaye
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
658 Dîtin
xozge emzanî em řeşebaye
ke be hawîn dêt boç wa germaye
keçî zistanan ke řeşeba hat
serma û bestełek exate wiłat
hay şîmal xot û şemałit bijîn
fênkî diłe şinet be hawîn
şemał xermanî pê şen ekirê
řeşeba kełkî hîçman nagrê
tozî řeşeba le gerdişaye
nazanîn çîtir dênête kaye?
be hemû bayek elerêynewe
be her fîkeyek egeřêynewe
em ḧałe hemû le naçarîye
małewmał geřan le bêkarîye
ewey îşêkî bo xoy pêkhanî
nayperjête ser watey dîwanî
eger kasbî bikewête naw
ewsaye mîrî egeřê bo pyaw
êsta dûkandar firoxtî nîye
le dûy çaweşî îşẍal şeqîye
sa ba îdarey małî dest kewê
bizane tuxnî siza ekewê
xozge destûrêk exraye naw
pyaw bo îş ebû newek îş bo pyaw