hendê îş heye nakirê serbexo
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
832 Dîtin
hendê îş heye nakirê serbexo
lêkî bidewe înca têhełço
xot ḧewa mede leser heywanê
şwên pê nezanê: kwêr, pê dananê
ke zanî pyaw şans yarîdey eda
wa çake firset le dest berneda
bełam nek herwa be heřomeřo
be tefrey xełkî zû bibî xeřo
herçî bo berzî weten têkoşê
lîbasî fexrî te’rîx epoşê
mał û serwet û şahî fanîye
her nawî çake, cawîdanîye
heng ke şîrînî pê dirust ekirê
hate pêwedan ew boxoy demrê
bewe menaze kewtye serewe
wêraney weten awa kerewe
ke xełkî zanî bo ew hewł edey
ełê serumał boto, fermû, dey
bełam ke zanî to boxot dewê
ełê ba biřwa bełay lê kewê
zor xoşe kesêk ke pêşewa bê
bo qewmekey xoy wek çawig wabê