gurîs kêşekê be hîç û pûçî
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
796 Dîtin
gurîs kêşekê be hîç û pûçî
gurîs epçiřê to lengewqûçî
şêr û xetman kird legeł cîhana
min xetim ewîst ew şêrî hêna
herçend ke êsta şêr wergeřawe
řîş ba xurîş bê bawî nemawe
fêłî syaset řûpa bazîye
řadyoy ewrupa êsta nazîye
yaxwa taser bê em xo têkutane
tirsî dizîş bê, dest lemlane
darî kon biřa, xełfî le cêye
pel û poy taze hîwaman pêye
demaẍim kone ke bê demaxe
pîrîş bo taze be ax û daxe
bo diłxoşî xoy witî ew pîre:
herçende pîre kone begîre
piřopagande ke çawwiřawe
kewte syaset be bend û bawe
seyr seyrî řadyoy yons beḧrîye
serapa diroy le řast berîye
be hêzî pare ke tekan eda
se’atê çeney bê wiçan eda
nazanê kewa řojêkî lê dê
cezay xa’înî wetenî řê dê
her segê le dûr be şwên xoy weřî
cêy sege naze û birsêtî û geřî
seg wefadare be xêw naweřê
dûpşike sikî daykî xoy edřê!!