em xełke boye zistan dił nerme
Li pirtûka:
Pendekanî Pîremêrd
Berhema:
Pîremêrd (1867-1950)
2 Xulek
1050 Dîtin
em xełke boye zistan dił nerme
be zistan xakî sirûştiman germe
xak dayke boye boman diłsoze
agir [yiş] bawke boye be soze
çî bikeyn! bawkiman cînsî xeşîne
dayk be destyewe dayîm ẍemgîne
mełên ke adem ḧewa tefrey da
xoy wa nebwaye çî dekird ḧewa
ewî be qisey jin tefre exwa
ewe pêy dełên: feqîrî xwa
herçî be ’eqłî xełkî tir eka
meqes be zorî pence kar eka
bełam şeytanî însan însane
ba aẍam paşam tefre asane
xozge ewaney pîşeyan waye
carêkîş cařyan bo bidraye
nuşist nayênî legeł pyaw çaka
keçî ebînî kes řûy tê naka
le lay hamřazî qise xoşekan
ẍeybet xoştire le dengî qur’an
mangî řeşemê şukir beserçû
miřmyaw miřmyawî dawudman laçû
derxoney serî dîze laçuwe
ełên: pişîle sûr ketnî kirduwe
seg le pişîle be wefatre
keçî pişîle qedrî zyatre
çen xoşe legeł yarî bawefa
řabwêrî da’îm be zewq û sefa
gerdî çiłuçot le dił nenîşê
ba dujmin barî xefet bikêşê
hezar banqenot ewe nayênê
dostê diřkêkit le pê derbênê