beser netaşîn nabye qelender
Li pirtûka:
Pendekanî Pîremêrd
Berhema:
Pîremêrd (1867-1950)
2 Xulek
1080 Dîtin
beser netaşîn nabye qelender
be awêneyek nabye eskender
be tûřebûn û kiław xwar danan
nabye qumandan ta neçye meydan
swar heta neglê nabê be swar
birinc nekutrê naçête bazař
ta tînî kûre nebînê tewaw
berdî řeq nabê be şûşey guław
tatoy hewramî bargîrêkî bû
lenaw kersiwarda be yekem derçû
eygut ye baden îne baranen
pa, barey řezmî şehryaranen
ta řojê kewte naw tîpî swar
derneçû, dwakewt wek kerî jêrbar
bangî kird yaran «yabû»m westawe
timez herenî ya made gawe
toyş ke kewtye sewday xudbînî
xot le awêney dêwda ebînî
ta gîzey gullet nebê be serda
ta řatnefřênin be deşt û derda
qedrî wêraney ’icuz nazanî
le hemû şwênê merdî meydanî
ke be çiłuço çûyte ser kursî
îtir le dostî kone napirsî!
ewî le dîzey xełkida eskiwêye
hîç kes nazanê esłî le kwêye
hendêk ke wityan qiseyan xoşe
ke řazyan dada diłyan be coşe
hîç emlaw’ewlay xoyan nařwanin
safîlken xełkî be dost ezanin
ta pyadey ẍeybî lêyan egořê
bê ecel lepiř ekewne gořê
gořî bê, boçî qisey mûş eka
bo pêkenînî xełk, xoy tûş eka
derdî cwanîye pêwendî pêy guł
bełay zimane qefesî bulbul
meskenî mişkan dirzî dîware
ebê bizanê mişkîş gwêdare
gułim dî leser agir ekuła
emem lê bûbuwe girê le diła
witim: çîye em hełqirçaney to
witî: pêkenîm boye wam bo bo