ta ḧeyatim bê le diłma şerte mîhirit dernekem
Li pirtûka:
Dîwanî Eḧmed Muxtar Caf
Berhema:
Eḧmed Muxtar Caf (1896-1935)
1 Xulek
1693 Dîtin
ta ḧeyatim bê, le diłma şerte mîhirit dernekem
řojperestim ta bimênim sucde bo exter nekem
pêy witim dwênê řeqîbim seyrî diłber bo ekey
şemşemekwêrem ke řû bo şemsekey xawer nekem
bêt û ger destim kewê maçî demî to çawekem
řûřeşim ger terkî awî zemzem û kewser nekem
lew zemaney dîwme min, mujgan û ebroy diłberim
řebbî lał bê, ger tewafî xencer û neşter nekem
’erzî yarim kird ke boç perçem leser řuxsarte
pêy witim: bezme leberçî ’ûd leser mecmer nekem
řesmî ’aşiq waz le řoḧ hênane bo diłdarî xoy
řûřeşim min ger le řêta terkî řoḧ û ser nekem
bêt û bom dest da temaşay perçem û řuxsarî to
şêtim er terkî wenewşe û laleyî eḧmer nekem
yar be îstîhzawe fermûy mawî bem derdanewe
lafî ’îşqî to diroye, min ebê baweř nekem