hîcrî to çend se’be diłber małekem wêrane bot
Li pirtûka:
Dîwanî Eḧmed Muxtar Caf
Berhema:
Eḧmed Muxtar Caf (1896-1935)
1 Xulek
6943 Dîtin
hîcrî to çend se’be diłber małekem wêrane bot
řoj û şew ẍembarî řûtim dîdekem giryane bot
eşkî çawim badeye nałey diłim ’eynî neye
xak beser bêkes le ḧesret cergekem buryane bot
ey nîgarî nazenîn lew řojewe dûrî le min
seylî dîdem wa bexuř dê herwekû sîrwane bot
ew bełay bo qametî to dê le ’uşşaqit kewê
sedhezaran ’aşiqit cana bełagerdane bot
ey diłe besye le ẍem bo çî enałî řoj û şew
şehdî lêwî diłberit bo derdî to dermane bot