nîye řeḧimit le derḧeq ’aşiqî şeydayî miskînit
Li pirtûka:
Dîwanî Eḧmed Muxtar Caf
Berhema:
Eḧmed Muxtar Caf (1896-1935)
1 Xulek
1577 Dîtin
nîye řeḧimit le derḧeq ’aşiqî şeydayî miskînit
biłê pêm to xuda kafir çîye to mezheb û dînit
be xaka pê binê, meynê be dîdey eşkbarmda
mebada diřkî birjangim biçête pêy ḧenayînit
meyêłe řojî ’aşiq řeş bibê ey yarî bê mirwet
leser subḧî cebînit lade cana zułfî çînçînit
hemîşe lalezare dewrî qebiristanî ’uşşaqit
eken temsîlî lêwî le’il û kułmî ał û řengînit
ke nawit dênme ser lêwekanim êste ey cana
dem û lêwim eçespên pêkewe bo lêwî şîrînit
be xendey nazewe fermûy îtir bot fexre to mirdin
ke emřo min be naz û lencewe hatûme bałînit
le sayey maçî lêwî ew şika bazařî to qennad
be pûlê nakřê kes êste barî şehd û hengiwînit