ey firîşte

ey firîştey xoşewîstî!
xoşewîstî pak û bê gerd
kewtumete to peristî,
le asman bî ya leser ’erd
xoşewîst
etperistim
be to mestim
bê to pestim
pirşingî çawe kałeket
diłim řûnak ekatewe
bizey ser lêwe ałeket
gyanim zaxaw edatewe
ey bê wêne
xot binwêne!
bê, bim dwêne
bim bizwêne
bew çawe cwanane qestem
bê to jyanim naxoşe
naxî em derûne pestem
bo řûnakî to peroşe
perîzade
dił ber ba de
zor naşade
xemî řade
herçen şêwey to ebîn
le cwanî têr nabê çawim
bebê to şoxî şîrînim
gułêkî sîs û jakawim
bê řeng û bo
bê giftugo
bê hatuço
destew’ejno
ey firîşte nazdarekem!
to çiray, min perwanetim
ey şoxe wefadarekem
kuştey ew tîşke cwanetim
heta emirim
to perwerim
nazit egirim
leser serim