gelawêj le bawî kurdekana estêreyekî...

Li pirtûka:
Řiştey Mirwarî (Bergî 3)
Berhema:
Elaedîn Secadî (1907-1984)
 2 Xulek  1035 Dîtin

«gelawêj» le bawî kurdekana, estêreyekî zor geşî pirşingidare le beynî řojhełat û bakûra hełdêt ke em estêreye hełhat, germa řû ekate kizî û berebere fênkî peyda ebê û paşan eçê be lay sermawe. em estêreyeş le şewî 16y mangî «mêwegenan» ke ber şewî 6y ab û 16y murdad ekewê le burc ekenrê û kes naybînê, bełam yekem gyanleberêk ke le pêşa hestî pê bika, be hestkirdnêkî me’newî, wiłaẍî berzeye- esp û mayn, xawenî meř û małat, ewaney ke pispořn lelayen ajełdarîyewe, ke çawyan bew wiłaẍî berzeye kewt, ezanin ke «gelawêj» le burc kenrawe.

paş wiłaẍî berze, yekem gyanleberêk ke «gelawêj» bibînê meře kêwîye. em le berî beyana ekate ser kiławe û lûtkey şaxekana û bo «gelawêj» egeřê ta berçawî ekewê, meře kêwîş ke gelawêjî berçaw kewt ekewne tege û beran. paş emane bere bere gyanleberekanî tir eybînin, axir gyanleber ke gelawêjî berçaw kewê «beraz»e, beraz xoy le bînînî gelawêj edzêtewe nayewê çawî pê bikewê, ta way lê dêt tenanet le axra xoy ekutête şwêne çałekan û naw gerûy qûłî kêwekan her bo ewey neybînê. emca eger hat û gelawêj ewende berz bowe ke ew lew şwêne çałeşa her berçawî kewt, ew wexte ewanîş îtir ekewne «ba» û swarî yek ebin!