razêk û nyazêk

şîrînekem!
ey aramekey gyanekem
ey jînekem!
ey sermayey jyanekem
lew řojewe dûrim le to
zimanêkim kewtûm le go
ne lewetey lêt biřawim
bewêney ew kesey bênê
her dû çawî xoy derbênê
le tarîkîy jana mawim
ey jîn! jyanî min û to
emyan eger tane ew po
lejêr dirextî çen sałe
małî min û to yek małe
şew bwe taku beyanî
gyan kirdûye pasewanî
bizey ser lêwî heftane
bijîwê bû bo em gyane
sirwey şemałî pişkûtin
beharî ebexşî be min
bê sêberî to bizane
bilbilêkim bê hêlane
bê xorak û danewêłe
asoy hełfiřînim lêłe
mewdam wêłe
bełam axo
herwa emênîn min û to
herwa dûre perêz û dûr
minî bilbil, toy gułî sûr
ey ew gułey xom ezanim
çon şetłê bûy, ke řwanim
bo çi nyazu mebestê
beç sozê, be çi hestê
bo ewey ta weçem mabê
jyanî le pênawa bê
leřêy toda xoy bext ka
sextîy řêgay to text ka
takû be hîç gerdelûlê
řeg û řîşey to necûłê
ger bê û peřet hełwerênê
bon û towit her bimênê
tow lenwê şîn bibêtewe
şepolî bonit bêtewe
ewsa bê şik: guł û bilbil
wek diłdar dest enênewe mil
be yektirî şad ebnewe
wek dû dîl azad ebnewe
ey jînekem!
ey aramekey gyanekem
şîrînekem
ey sermayey jyanekem