yekêk le dostan emey lay xwarewey bo...
yekêk le dostan emey lay xwarewey bo gêřamewe, witî:
ewa deştêke le wiłatî sayenqeła, şewnimî behar řazandûyetewe, guł û gułzare, řêḧane û wenewşe destyan le milî yek ałanduwe, xermaney guł û xermaney mang çawşarkê eken; lew beheşteda û le deşteda taqe gořêkî lêye, wa dyar bû diłî diłdaranî ekulandewe, diłî ekulandewe be çî? be xamoşîyekey! be xamoşî ew kese ke le dutwêyda serî nawetewe û diłî kirdotewe bo neway nazdaran û bo dengî xermanan!
witî: leser ew goře, perîyek hebû baweşî pya kirdibû, wekû baranî behar firmêsk beçawya ehate xwarewe û wekû kotrî yahû eylawandewe, nek diłî her ew kese le gořekeda bû, bełkû diłî berdîşî etwandewe!
çûm be layewe hestim bo řagirt wekû ew hestey ke bo sirûşt řa’egîrê. çon dengî besoz le keman û pyanoy besozewe ezrîngêtewe, ewîş le gwêda elerêtewe!
witim ey perî! boç wa egrî? ey diłbirîndar! boç ewendey tir diłî derûnî ew xake birîndar ekey?! řaçenî, diłmî tenî! seyrim kird řûmetî ew lenaw qije şeweyekeyda derkewt, natwanim biłêm mangî çwarde bû lenaw pełehewre řeşekanî asmanda ke serî ehênaye derewe, çunke ew mirwarîy firmêske lenaw dû çawya ke ehate xwarewe be řûmetya, birîqey zîwînî le birîqey guławî naw şûşey ber hetawî ekird, mangî naw pełehewrî asman ewey têda nebû. witim: ew kułet eger bo dostite, le cêgay ew nîşan bigre lem doste ke destî leber destite! beharî cwanîy le xezanî pîrî dawa meke, temen ke řabward, kemendî xeyał nahênêtewe; piřmey giryan bike be dengî şadî, awazî zarî bike be neway goranî, le baxêkî tira bibe be gułî bulbulêkî tir.
ke emanem wit; seyrêkî kirdim û behenîskî giryanewe witî: bełam wekû şekir le lêwarî yaqût û sedef bibarê;
witî: bêdeng bû, ke çûme ser wextîyewe, gyanî sipardibû, çûm çend jin û pyawêkim hêna; jinekan şutyan û pyawekan letenîşt gořekey tirewe, gořêkîşyan bo ew hełkend, esperdey xakman kird; lewêda bebê cyabûnewe be ebedî, destyan kirde milî yek.