eḧey caw hebû lu suleymanî pyawêkî...

«eḧey caw» hebû lu suleymanî, pyawêkî feqîroke û deng barîkêk bû, ḧełway le naw tebeqa egêřa û eyfiroşt, hîç ’ezyetî xoyşî ne’eda, be şêneyî û leser xo eçû be řêgeda û lejêr lêwewe bangî ekird «ḧełway nayab». řojê pyawêkî xełkî ew deştî dizeyye řêy ekewête suleymanî swarî espêk ebê û be tenîşt eḧey cawa tê’epeřê, eḧey cawîş leser kołanêka danîştuwe, leber xoyewe ḧełwa efroşê. kabray dizeyî her be ser espekewe bangî lê eka ke bayî nîw řupye ḧełway bidatê. eḧeş wirde wirde leser xoy ebziwêtewe û her xine xin eka. kabra ełê: «kure! řabe, řabe». eḧey caw leme tûře ebê, çunke be şêwey suleymanî «řabe» nawe bo «řab’e». lay waye eme bew nawewe gałtey pê’eka, pêy ełê: «kuře xot řabe, daykit řabe, bawkit řabe». paşan eḧey caw tê’egeyenin ke eme mebestî ewe nîye, mebestî eweye ke yanê zûke. eḧeş leber xoyewe ełê: «ca bo nałê xêrake»