qadir begî cafirsan le tewêłe serdemêk to...

qadir begî cafirsan le tewêłe, serdemêk tozî bê pareyî be sera hatbû, hewramyekanîş tełaq zor exon, hênabûy fermanêkî derkirdibû ke herkes tełaq bixiwa her tełaqe lîreyek cezayetî!

qadir beg dû pyawî hebû yekêkyan «keykawis»y naw bû; yekêkyan «homerî mewlû» emane be şew ḧekayetyan bo qadir beg ekird bo ewe xewî lê bikewê. emaneş zimanyan fêr bibû be tełaq xwardin û naşzanin çîş biken. le paş derkirdinî fermaneke yekem şew homer milî keykawis egrê ełê:

îmşew nore ḧekayetî to bêt. qadir beg řakşawe û keykawis ḧekayet eka kitupiř ełê: de milyon tełaqî em keykawse kewtibê qadir beg! em ḧekayete řaste! qadir beg kitupiř ser berz ekatewe û ełê: keykawis ane çîş waten? keykawsîş ełê: qadir san! de milyonî tir tełaqî em keykawse kewtibê de milyon lîre lem wiłatî hewramaneda nîye. qadir beg seyr eka bemcore biřwa zorî ewê. lewaneye fermanekey bişkênrê. carçî exate naw şarî tewêłe ełê: lew fermaney derimkirduwe keykawis û homerî mewlûy lê derçê, ewan bernakewn!

bem core keykawis xoy û homer le dest qadirbeg řizgar eka û emca bebê tirs dest eken be tełaq xwardin!