mela meḧmûy ḧacî mela řesûł gêřayewe ...

mela meḧmûy ḧacî mela řesûł gêřayewe witî:

ḧisekeř hebû le zemanî seyd eḧmedî babe řesûła le silêmanî. em ḧisekeře çayçî û le hemû řûyekewe pyawêkî pyawane û bedîmen û dewłemend bû. ew serdeme şeře beran bawî hebû, zyatir şêxanî silêmanî ḧezyan lê ekird. ḧiseş beranî çakî hebû.

seyd eḧmedî babe řesûł enêrê be şwên ḧisekeřda ke beranekey bênê le ḧewşekey êmeda beranêkî tirîş lêre heye şeře beranî pê biken ta tozê seyryan bikeyn. ḧiseş ney’etwanî le qisey seyd eḧmed derçê. paş ’esrêk bû beranêkî nayabî hebû milî girt û çû bo małî seyd eḧmed.

seyd eḧmedî biray sey nûrî neqîbîş dirawsêy małî seyd eḧmedî babe řesûł bû. dîwarêkyan beyn bû. em seyd eḧmede hemû car şeře qoçî małî ew seyd eḧmedey ebînî. beynîşyan zor xoş nebû. ke ḧise be xoy û beranekeyewe egate ber małî eḧmedî neqîb, seyd eḧmed leber derwazekeda ebê bebê qise berdêk heł egrê û eyda leserî ḧisekeř, serî eşkênê. ḧise dest egrê be seryewe. seyd eḧmed ełê: bo çî ewe janî kird? ḧise ełê: qurban çon neykird? seyd eḧmed ełê: ke wate em beraneş řoḧî heye, çon şeře qoçî pê eken? axir nazanî serî ewîş awa jan eka? ḧisekeřîş ełê: ke wate qurban yan xwa êwe le ême bistênê yan ême le êwe bistênê. ew seyd eḧmede be zor řam ekêşê ełê were şeře qoç bike, em seyd eḧmede ełê meyke. êmeş nazanîn be gwêy kam latan bikeyn!