kake řeşîd sidqî boy gêřamewe, witî ...

kake řeşîd sidqî boy gêřamewe, witî:

meḧmûd paşay caf le xelîfe miḧemmedî dum tûře bibû, witbûy ew dwîtbawke le her layek bê bîgirin û singî ken. xelîfe miḧemmed hełdê û edate kej, xoy bo nagîrêtewe lem hewar bo ew hewar, lem dê bo ew dê, her layek eçê mułkî meḧmûd paşa ebê û xoy bo ḧeşar nadrê. le axra weřs ebê be dizîyewe eçêtewe, dû bar keşk û dû bar doyne û dû tancî nayab û çend mirîşkêk exate naw barî barekanewe û eçê pena bo ḧesen begî qadir beg eba ke tikay bo bika lay paşa û paşa lêy xoş bê.

ke eçê û ḧesen beg çawî pê ekewê ełê: ha xelîfe miḧemmed ta netnaye tebeq netut sedeq, ca êsta hatgî û penat hawridge?! xelîfe exate şwên xoy û be şitumekekanewe eyba bo lay paşa.

ke eçin şêxî ḧîsameddîn legeł padşa le dîwexan danîştûn û qise eken. barekan lew lawe xirawin û tancîyekanîş lem lawe leber hestunî dewarekeda kewtûn, ewa şêxî ḧîsameddînîş legeł padşada le germey qisedaye, lew wexteda lem lawe tancîyekan dest eken be miřemiř, xelîfe le miřey emane tûře ebê û la ekatewe be lay tancîyekanewe ełê: borey nan û wiřêne, carê norey şêxe, norey êwe nîye, le miřemiř bikewn. paşa û şêx ḧisameddîn ke gwêyan lem qiseye ebê, dest eken be pêkenîn, inca şêxîş tikay lêxoşbûnî le paşa bo eka û paşa lêy xoş ebê!