sipîhrî keç gerd
Li pirtûka:
Dîwanî Mestûre
Berhema:
Mestûre (1804-1848)
4 Xulek
1379 Dîtin
sipîhrî keç gerd ...
dad ce destî to sipîhrî keç gerd
mesnedgay ’eyş kêt we tarac neberd?
meclîsî şadîy kêt betał nekerd?
diłey kêt ce ẍem to nekerd naşad?
xezaney sirûr kê neday we bad?
newnehałî ’umir kê nekerdî pey?
we yaney kam kes to newstî wey?
ce nexlî wicûd newres nehałan
kam merdê we cewr nekerdî nałan?
her ko cwanê saḧêb text û tac
gułbaẍçey ’umirş nekerdî tarac?
xusûsen xesrew şay kemer lałim
mayey îqtîdar ’umir û îqbałim
sirûrî xatir ẍemgîn û řêşim
ne yagey gişt kes: bêgane û xwêşim
ce řagey cefa û ḧîle û mekir û fen
nexlî cwanîş kerdî řîşeken
ne seray tarîk kerdî destaxiş
berdî we ẍaret şadî û demaxiş
bidye cefay to gerdûn ta çenden?
hezarê çun min bê saḧêb menden
sa toyç wêney min derûn sya bay
bê behre û bê ’eyş her ne ’eza bay
fełek ne cewrit zar û sergerdan
wexten çun deyrî bişûn we herdan
ney zułmî sengîn ney bêdadî to
her mewaçûn: dad, her mekerûn řo
walîy zî şewket yusif lîqam řo
eskender şewket, ḧatem ’etam řo
hujebrî bê bak řoy meydanim řo
fexir dûdman erdełanim řo
cemşîdî sanî fereydûnim řo
îse gîrî dam qebir dûnim řo
şem’î şebistan xesrew xanim řo
mayey şadî û şewq kurdistanim řo
zubdey walîyan wała cahim řo
fixir alulatErebîm muhir şahim řo
cwanî newres ba nigînim řo
mayey diłweşîy dinya û dînim řo
şah lał kemer hem lał bexşim řo
sanî tehmeten saḧîb řexşim řo
lał bexiş, xom befîday lał bextanit bam
fîday bezim ’eyş mey noşanit bam
xesrew, amanen fîday namit bam
destaxî hezar qeyd û damit bam
fîday dû dîdey mest û mexmûrit
qurban řenciş ten řencûrit
qurban nałey zar û zigarit
fîday zelîlîy dest azarit
xesrew xom be fîday newciwanît bam
fîday tac û text xesrewanît bam
fîday cwanîy kam neyawat bam
fîday małî çoł xesrew’awaCiht bam
fîday kenîzan bê naz mendet bam
fîday ẍułaman ser’efgendet bam
sergerdî supay bê serdarit bam
xesrew wêm qurban keçîy karit bam
fîday cwanîy natemamit bam
şahim, be sergerd ’eqił û famit bam
qurbanî xełwet bê xesrewt bam
fîday bezim û ’eyş řoj û şewt bam
fîday tepił û kos řojî cengit bam
îse xamoşîy seray sengit bam
xesrew hordare serê ney xawe
wîlayet xapûr, xełwetî xawe
supay nîzamit menden bê saḧêb
’emele û etba’, derban û ḧacêb
be tacit, temam bê aẍe menden
dił melûl ce ẍem, leb beste xenden
fîdat bam daxan gişt we xak berdî
ye çe mergê bî, bê wade kerdî?
êmet wist bê kes wêt be cwanî
dił kendî ney dehir piř ḧîley fanî
şahim, sewgendim be bezim û badet
qesem bew mergî bê wext û wadet
anê deqîqe nîyen qerarim
pey newciwanît her şînen karim
er leḧzey ẍusse ber bişûm ne dił
minîç bê wade ser binyom we gił
sa çon bo fîday dewrî dîdet bam
qurbanî xatir ẍem řesîdet bam
fîday ew şewket xesrewanît bam
qurbanî meclîs kîtab xwanît bam
ême bigêłîn ney dinyay piř cewr
xesrew we nakam ser we seray qewr
to meylit daym we çeng û ney bê
bey seray tarîk diłweşît key bê?
ce dîde kor bam zwanim bo leng
çon qerarten to new qewrî teng?
cay bałşî qû çêşen bałînit?
kê hen bê mûnîs şewan nałînit?
esasey xawit kê mekero saz?
new seray tarîk kê mebot hamřaz?
îse xapûren sara û utaẍit
xamoş û bê nûr şem’ û çiraẍit
kor bam perê ’umir beser newerdet
pey ’eyşî dinyay temam nekerdet
xesrewm, ye cewr dinyay bê wefan
wer ne min bê to pey çêşim î gyan?
fełek, wajgûn pare pare bay
sa toyç wêney min syaçare bay
karit her cewren çerxî sifłey dûn
be ḧeqqî ’elîNava taybet bibay seringûn
mestûreNasnava edebî ne cewr dinyay piř tezwîr
ne cay teqrîren, ne yagey teḧrîr
binîşe naşad çenî derd û ẍem
ta ke řû binyey be seray ’edem