dwêke maştey qeza, le sun’î layenamewe
Li pirtûka:
Dîwanî Edeb
Berhema:
Ebduɫɫa Begî Mîsbaḧ Dîwan (1859-1916)
4 Xulek
1110 Dîtin
dwêke maştey qeza, le sun’î layenamewe
behefit kewe perdewe, le ḧîcleyî zelamewe
’irusî mîhrî enwerîy, le qesrî çar bamewe
lepiř nîgarî mah řû, beḧusin û mahî tamewe
le perdewe wejûr kewt, bewecd û îbtîsamewe
qedem qedem dehate pêş, beçende ’îziz û nazewe
beçende îhtîzazewe, beçende î’tîrazewe
belenceyêkî kotrîy, beḧemleyêkî bazewe
beçende řaz û bazewe, beçende sîḧir û nazewe
beçende kîbir û bazewe, beçende îḧtîşamewe
dû zułfî diłişkarekey, syahî tabdarekey
yekê le canbî yemîn, yekê le lay yesarekey
bibûne zîbî qametî nîhalî newbeharekey
weku lebarî xusrewîy, dû turfe perdedarekey
xuda, xuda çe ḧîşmetêk, bedû syeh ẍułamewe
le sebzî me’cerî nîhan, sehî qedî sinewberî
firûẍî tel’etî ’yan, le curmî sebzî me’cerî
weku le ebrî tîreda, direxşî şemsî xawerî
weya le tel’etî meha, tilû’î mîhrî enwerî
ke dem bedem le tîşkî dû sebaḧî xiste şamewe
le girşe girşî řûmetî, le bin qedî nîqabewe
le taqî tîre ẍemzekey, dû çeşmî piř ’îtabewe
ke yek le dûy yekî dehat, betab û îltîhabewe
weku xedengî ateşîy, le canîbî şehabewe
le heybetî ’eceb nebû; ke ew demey twamewe
beřeqis û cîlwe; zuhre bû, beşewq û şu’le: mişterî
ne zuhre bû, ne mişterî, newek melek, newek perî
newek bitanî «kaşẍer», newek nîgarî «keşmerî»
xiroşî zîb û zêwerî, le ’eqdî tacî enwerî
degeyye çerxî heftemîn, le xakî tîre famewe
emin şigifit û xîre ser, ẍerîqî lucceyî xeter
ke me xeyałe, ya xeter; firîşteye, weya beşer!
sitareye weya qemer! çîye dyare cîlweger!
keçî nîgarî sîmber, le terfî perde hate der
weku qemer; ke dête der, le kîswetî ẍemamewe
ke qursî řûyî wederkewt, le bin sewadî berqe’î
şu’a’î da bezlilî şew, ruxî mehî muqenne’î
le zeř nîgarî mîqne’î; milewwenî, mulemme’î
le zêwerî murese’î, musellesî, murebbe’î
dûsed mehî muqenne’î; nîşan le seqfî bamewe
sebaḧetî suheyl eger suheylî tacdarî bê
nezaketî nîhal eger: berî nîhalî narî bê
terawetî behar eger: beharî nafedarî bê
ḧelawetî behar, eger: nebatî xunçedarî bê
tezerûy kohsar, eger ’uqabî bê bedamewe
behatnî cemalekey; bezułfî piř ’ebîrewe
çem û xemî dû sunbulî, betabşî ḧerîrewe
yekê beřengî qîrewe, yekê beřengî şîrewe
cîhanî destigîr dekird, feqîr ta emîrewe
beşawe, ta muşîrewe; le xas ta be’amewe
qisûrî ’eqłî ’arfan, dû tuřeyî muşewweşî
fiturî zuhdî zahîdan, sewadî xałî diłkeşî
betîrekey le terkeşî, dû hîndûyî kemankeşî
dû turkî mestî serkeşî, nîgahî nêrgisî geşî
beqetłî ’aşiqanî xoy, beçende îhtîmamewe
meleng û mest û meyzede, beçende ab û tabewe
beřengî aftabewe, beřûyî mahtabewe
beçeşmî nîm xwabewe, le neş’eyî şerabewe
beřa’îḧey gułabewe, le zułfî piř le tabewe
çipaye înbîsatî dił, le le’lî piř mezabewe
çe guł’uzar û gułbeden, çe diłřûba û diłişken
çe xoş eda û xoş suxen, şekir leb û şeker dehen
beceste, bergî nesteren, betuře wek peřî zuẍen
peřî zuẍen, besed şiken, tirazî bergî nesteren
şika sebaḧetî çemen, beqametî temamewe