koyî
Li pirtûka:
Dîwanî Esîrî
Berhema:
Esîrî (1895-1962)
2 Xulek
695 Dîtin
eme çiştêke dyare ke le asman (koyê)
heye (kes) gum bê bew řêge debate menził
le zewî û memleketî kurdî ’êraqîş (koyê)
em ebexşê begumê řêgeyî dîn baweřî dił
guftî zanayî bedestûrî ḧeqî yezdanî
tê řwanînî bewrdîy le řêy subḧanî
her çenê lawî heye giştî legeł yekdî teba
le fen ustad û le kirde û hunerîş hem kara
des beçîka kesî gewranî be’encamî eba
kirdeyî giştî leser pirs û bełên û ařa
lemewe giştî le dił xoşî û çawřoşin û şad
nîye lew cêgeye diłtengî le xorak û zad
kirde û karî (mejg řûnî) ewendey pêwîst
neptirtir le mebest û, neku kemtir le becê
hełe nabê le kesê çêreyî bedxiwahîy bîst
le hemû sextî û tengawe eka řêge bedî
eme îksîrî zeřî jînî gelî kurdane
eselî řêku dirustkirdnî em nîştimane
awedanîy dwa řoj û zîleyî em şare
etenê û gewre ebê ta weku ser zê wu çom
bexrîd û çendin û kird û kołînî pare
zêy debête (taymis) û şarekeşî (londiryom)
çunke cêgey nawêkî memleketî kurdî ’êraq
çibû neykirduwe le cêyêkî weha kîsra taq
xoşewîstît çîye bem core (esîrî) koyê
eselî çîbê giriftare diłit bew cêye
bełê ew cêgeye laney fenin û ’îlme boyê
bendîye dił çunku (zanistîy) konî lêye
xanedananî befeřî (fenin) û (zanistî) buwe
çend hezar ’alîm û mahîr elewê pêgeyîwe