geřokit bo nîye?
Li pirtûka:
Dîwanî Esîrî
Berhema:
Esîrî (1895-1962)
1 Xulek
706 Dîtin
geřokit bo nîye? kanî xełûz û asin lejêr pête
desî bo têwenadey? řołe em kane le bo kête?
fiřoket bo nîye lam waye umêdit nîye bitbê
ewa awrîşim û loke, ewa newt, asne, wête
leser řûbar û şîw û řoxî hełdêrit nîye pirdê
ewa qisił û geç û dare, ewa berde leser řête
nîye cêgey hetîwanit, nîye cêgey şel û keftet
bemlyon xerc ebê małit le xêr û bêrî bê cête
qutabxananî sawanit debîristanî lawanit
ewey hawirde ber, kołe, weya bê dîne, ya şête
kelawe hełdiřî daym, be’umêdî xezîne û zêř
wiłatit zêře nazanî, legeł xołaye amête
kuře çawit kewe bo karî xot, her çî bikey çake
ewey wa paştî xistuwe, bira sistîte, şermîte
diraw û amedit kane le şax û deşt û şîwane
umêdit mêgel û baẍe, xirîd û kêłgeyî dête
witey çak nagrê kełkî esîrîNasnava edebî bes mełê ḧerfê
wehay ker kirdûn dujmin, zyatir key dełên şête