newbeharî
Li pirtûka:
Dîwanî Miḧemed Saɫḧ Dîlan
Berhema:
Miḧemed Saɫḧ Dîlan (1927-1990)
3 Xulek
953 Dîtin
ey gułî jałe legwêy çem payzan
řengit surme řêje bo dîdekzan
çawî awatim ewen lê kizbuwe
heç birînêkim heye awdiz buwe
to be payz řengî sûrit surmeye
boye şêwet bo xeraman her meye
min le payzda beharim dête ber
boye nirxî to enême tewqî ser
to gełařêzan ke bo ewsa gułî
camî badey lê tikawî serçiłî
boye hergîz to le bazařa kemî
çunke awêtey xuřî giryey çemî
min nizîk to camî hełbest da’enêm
her lekin to kelleyî mest da’enêm
çunke to dermanî derdî tazemî
to kitêbî piř giřî em řazemî
çunke to şêwet beharî payze
boye çawe guł řinînit lê bize
to nîşaney bextî nasazî minî
boye îsta hest û hamřazî minî
min be řastî pêt ełêm badem ewê
cam leser cam û fire sadem ewê
mestî badey hestî caranim heye
boye êsta řêz be xizmanim heye
pît û samanim heye, badem heye
ta be damanim heye, sadem heye
goşe gîrim çon tirîkî jałemim
beste bêjî ew şerabe tałemim
boye aludey şerabî tifit ebim
çunke paş hawar hîlak û kifit ebim
herçî hawarim heye her bo meye
key egate ber demim axo keye
herçî hełwêstim heye her bo meye
çunke řastî xoy meye boye heye
boye êsta şaxê samanim heye
----------------------
boye serûm la pesende û zîndiwe
çunke řaste û bê girê řast hełçuwe
boye şîrînî be jałey tał edem
çunke řû zerdî be řengî ał edem
min lenaw cama be dîdar şad ebim
her bebonî gyan û dił azad ebim
mey lebo min çake nek bo dûr le mey
girye bo min başe nek bo dûr le wey
kam xuřey giryan leserxo û hêmne
pîşeyî xome û le xewda hî mine
zor demêke giryekarî řêgemim
zor demêke bê beharî cêgemim
daxî sed sałey weha pêřiştûm
çî emin xoşim ewêt cêy hêştûm
dest dirêjim bo kelepçey meynetî
mil dirêjim bo qumê zehrî petî
çaw le řêgam bo çeqoy ser gerdinim
gwê qułaẍim bo henasey mirdinim
girye lay min hî derûnî merdîye
çêjî firmêsk şerbetêkî kurdîye
mey ke têkeł bû firmêsk şadîye
ney le pał bêt, ewe abadîye
ney nîşaney awedanî diłme min
mey nîşaney newşkofey gułme min
ay miḧzun nway saz kinFarsî
nale dilsuz aẍaz kinFarsî
------------------
gir z durîha şikayt mî kinîFarsî
bişnu az nî çun ḧikayt mîkindFarsî
û az xiday ma şikayt mîkindFarsî