řez
Li pirtûka:
Dîwanî Miḧemed Saɫḧ Dîlan
Berhema:
Miḧemed Saɫḧ Dîlan (1927-1990)
2 Xulek
1292 Dîtin
behar.. ey mey ełwen û sade
netdîwe petroy pyałey bade
cesteke şenge, henase sware
ser wiřî lepe, dił birîndare
henase řeşe, hest piłîşawe
bangîş le berbîn quřga xinkawe
pêst beser îska qirç hełgeřawe
leşe, cinrawe... sere biřawe
le kwêye şerab le kwêye şerab
bo le îme bû be rêçkey serab?
ebê le kwê bê bon û beramey
ew řenge ał û ew tifte tamey
ebê le kwê bê direwşey sûrî
řûnakî tîşk û biłêsey dûrî
wa dyare hełpe û awat û oxey
ebê bibeyne pena şuşey mey
ey gerden řewan wîney nazdaran
saf her wek nîgay çawî xumaran
bêgerd her weku derûnî merdan
bê xewş wek gułî say pena berdan
le kwêye şerab le kwêye şerab
bo mezey, ewa, gyan û dił kebab
wa dyare hełpe û awat û oxey
ebê bibeyne pena kûpey mey
sebû... ey kangey bîrî îflatûn
pyałe wişuşe wa bûn be heprûn
werin.. herweku estoy nalebar
xaşin.. bewêney zincîrî zordar
winin.. bewêney tozî ba birdû
tefirin.. bewêney tozî ba birdû
le kwêye şerab ewa tasey mey..
hest nuqum eka wek zeryay bê pey
ey darî memk piř le şîley ał
korpey mêşkî birsî şîrî tał
giroze bo yek mij û yek diłop
bo şewî xeyał bibê be giłop
řoşin ka dunyay hestî min her wek
çiraye bo naw bîrêkî nûtek
ay kê bê bang û hawar û peyam
bigeyênête gwê gořî xeyam
biłê.. hey ser şêt kuştey giřî teř
ger têta mawe yek toz nirx û fer
to leserbakey şûşekey şikan
legeł xudada kirdit be zoran
hełse bere û em nawe hełtûtê
nek şûşe şika wa rez esûtê
sirûşt bepêçe xwar û çep gerde
le cê bê aw bê řeqen û berde
le cêyê zewî nerim û hełuł bê
ebê xuřey aw tozê dehoł bê
egîna şerab le mamostay maf
bo egeyşte ew peř quley qaf
qatî şerabe gyanî îflatûn
serderke heta nebûy be meymûn
berew mełbenî kurdistan řewtê
nek kûpe şika wa rez esûtê