çwardey temûz
Li pirtûka:
Dîwanî Miḧemed Saɫḧ Dîlan
Berhema:
Miḧemed Saɫḧ Dîlan (1927-1990)
2 Xulek
783 Dîtin
bom bixiwêne ey bulbulî aware
bestey diłê, sermest û geşkedare
bestey diłê, piř le tirîqe û hest
mestî katî (le hawînda behare)
bestey katê, çîmen be fiř be şoye
asman bûk û awênekey nizare
bestey katê.. şadî ał û řazawe
(goř) kirawey hełûşînî azare..!
bestey katê.. çiroy nyazî çen sał
êste gułe û xoy xawenî guftare
bestey katê birîn deme û ecoşê
nek bo tołe.. bo kirdarî bêdare
birîn deme û demîş piř le haware
ełê îmřo gel karekey dijware..!
ba tûlemar le jêr pêda heprûn bê
bełam lewber zîtey çawî řeş mare..!!
zîtey çaw û tîjkirdinî didane
kilkeleqê û miřey mam îstî’mare..!!
bom bixiwêne ey bulbulî aware
bestey diłê sermest û geşedare
besteyêk bê pişû bida be ceste
be her leşê birîndare, zamare
bîda begel be xak û be nîştiman
be kordistan, bem merze xoş geware
besteyêk bê guł piř bika le wirşe
biłê (şadî) le cêy nûkî cexare..!
biłê le cêy pet û darî qenare
wa naştinî çinar û dar henare..!
biłê le cêy derdîserî û bêkarî
mêrgî (firman) hełbestinî řûbarî
biłê le cêy çermeserî û bêzarî
şadmanî û kameranî bebare...
biłê le cêy bê biřwayî û nakokî
karwanekey (yekgirtine) qetare..!
besteyêk bê em xełke hełsengênê
dûreperêzî řabgirê.. bêkare
besteyêk bê biłê hanê serbestî
gelîş ewa azad û bextyare..!