ceza’ir
Li pirtûka:
Dîwanî Miḧemed Saɫḧ Dîlan
Berhema:
Miḧemed Saɫḧ Dîlan (1927-1990)
2 Xulek
860 Dîtin
ba řehêłey desřêjî tîj
gullebaran
bîwerênê
gełay temenî law û kîj
dway borduman
ke sûta dirext û gya
deşt û çya!
ke bû be komełê agir
ya bû be komełê pişko
laşe û dest û ser û esto
ya bû be komełê xełûz
melotkey mindałî sawa
lebin xanûy hełweşawa
hîç nabînê
dûkeł nebê
bał û cestey pel pel nebê
ya henasey nûzeł nebê
keçî ew xwêne řijawe
ew êsk û goşte sûtawe
ew quřge nûze tyamawe
ebê be dem
be hawarkirdinêkî kem
hêndet zanî
qed pał û lûtke û asmanî
ew wiłate
piře le çaw
piře le qîn
le hist û le coş û le tîn
merz û bûm piře le wirte
bin dare û piře le xirte
le piř,
hêrş bo ser dujmin
teqe û hawar
eşłeqê gomêkî bê bin
ya be tewjimî pelamar
epeřê mil, ser û gerdin
ya teqey mêşkî betewr
egate naw dûtwêy hewr
ya pencey ser miştûy xencer
egate ser pêstî kemer
ya gulley kuł
zirmey bêdengî edřê
nek sê, şeş û ḧewtê ebřê
***
ey gelî ceza’rî cîř
minîş wek to
le (selmas) û (çihrye) û (xo)
ya xo le (wan)
le (başqiłe) û deştî (botan)
le (agirî daẍ) ya le (dersîm)
dujmin, têr xwênawî mijîm
têr sûtanî
têr birjanî
bełam wa ew gele cîře
ew sersexte
serincî arastey
çaweřêye
wek toy bekêş
jîlemoy jêrî xołemêş
bebay xebat bêtewe giř
wek toy le piř
şebeyxûn le dujminî ka
beyekcarî serewbinî ka