lawik
Li pirtûka:
Dîwanî Miḧemed Saɫḧ Dîlan
Berhema:
Miḧemed Saɫḧ Dîlan (1927-1990)
3 Xulek
1189 Dîtin
kîj:
ho kakey şwan, kakey naw şax
çaweřêy soze, gułî bax
řawestawî sîḧrî fûtin
aware û sersamî xûtin
ho kakey şwan, kakey qedpał
kerek leberî piştên şał
lakerewe biřwane dûr
biřwane deştî sewz û sûr
biřwane birîqey nizar
biřwane deryay lalezar
byanhejêne be şimşał
byanhênere nałe nał
şwan:
ho kîjî şeng, ho kîjî şeng
meyfiřêne xeyałî meng
mestî bonî gyay şaxanim
gêjî birîqey daxanim
sersamî çirîkey berdem
awarey gułałey herdim
şeketî řojî beharim
tînûy xał xałî nizarim
dway pepûley řengîn kewtûm
bom naye fûm, bom naye fûm
kîj:
ho kakey şwan, kakey mandû
mandûy řojgarî řabirdû
bes řayweşêne gałokit
bes le dił gîrke nînokit
dem bixere ser xunçey dem
ba bipşikiwê gułî nawçem
tozê tînwêtît bişkêne
tołey xot le min bisêne
minîş wek to leş piř zamim
her wek to ceste û endamim
hîlakî karî bê bere
kun kun û piř kelebere
wa herdûkman bo dirêjî sał
řenc edeyn bo çawêkî kał
sał dwanze mang herda û herd
min şew û řoj meynetî derd
nek min û to hemû hemû
be hezar newek yek û dû
ebřê bo yekê, bo nawê
bo bitê, heykelê, çawê
dwayîman her henasey serd
min bêxewî û to heruberd
bîhêne coş lûlkî dem
pêy be badeyn azar û xem
şwan:
ho kîjî cwan, ho kîjî cwan
wird were pêş nerim û nyan
meybiřewe ḧeyranî dił
ba sozî lawik bête kuł
jêr beřûbê şwênî guftar
bom mołde řanî berx û kar
bê, serê keme ser řanit
çaw biřme herdû çawanit
dem bixeme ser gułî geş
tozê derçê hîlakî leş
ewsa tîn yetewe gyanim
pêy sařêj ebê zamanim
lêy edem be fûy dû lêwan
hey hawar aman sed aman
kîj:
ho kuřî şax, ho kuřî şax
tezût geyane êsk û mox
geyante gyanî hîlakim
geyante naw sîney çakim
bełam wa kewtuwe bîrim
řayweşan tewq û zencîrim
sardî geyane cigerm
qursî xiste tewqî serim
pêş birdinî hełałey lêw
bo şaney diłî sewday kêw
bîrkeynewe le beharê
le řojê, dermanê, çarê
řizgarman ka le derd û xem
azar nemênê zor û kem
berî řencî firawanman
bo xoman bêt û bawanman
pêy sařêj keyn birînî leş
tanût beyn le gułałey geş
hełîkêşîn henasey pişû
bînêjîn yadî řaburdû
herdûkyan dest ekene yektirî û be hełpeřkêwe ełên:
ho asoy sûr, ho asoy sûr
xot derxe le demkelî dûr
legeł asoy erxewanî
dyarî to bê kameranî