sinewberî hemîşe sewz

(eme ziryanî bîrekan
yan hełmetî řeşebaye
ke xoy eka benêw qijma
le hołî kaseserîşma
serzemînê dirust eka
kîşwerî estêrekan bê
zemawendî mang û xorî tya bigêřîn.)::dwênê şew xewm ebînî
serim serzemînî estêreye û
zemawendî mang û xorî tya egêřn
toş qerałî tahetayî
em wiłate berîne bûyt
leser hewrî wenewşeyî
pałit be kołekey tîşkewe dabû.
hercareyan firîşteyek
serçopî lewî tir esend
şabaşî xoşewîstî bû
beser ’erza da’ebarî û
gułałey soz lêy şîn ebû
bermałekey bawkim leser hewrê sipî
řaxrabû
ew nwêjî xoşewîstîy toy da’ebest û
asman nim nim
guławpirjênî kakołî lûlî ekird
minîş lejêr sinewberî
diłnyayî û ledaykibûnêkî tir da
awêtey temê sewz ebûm
ey sêbere sewzekey nêw xewnekanim
emcareşyan tasey dûrît
embatewe nêw baweşî
sîrwanî ser lêşêwawî û
ałozawîy řojanêkî
serşoř, milkeç
emcareşyan
ke tarmayît kał wikałtir ebêtewe
daykim ebêt be peykerey pîrozî xem
le meydanî şarekeman
goranîy tenyayîy xoy û
şewanî bê’estêreyîy min exwênêt
le baweşî xulyakana
eynasmewe
zeysanêke lerzok....tenya
be kołanê tesk û tarîka řa’ekat
minî lejêr çarşêwêka dapoşîwe
bonî şê’rî tazey lê dê û
le sêberî xoy sił ekat
wekû ełê
ew şewey min ledayk bûm
asman sûr bû
bon û beramey tawan û
zirîkey kiçan
singî xakî řa’etekan
lew şewewe
bałat kirde qełẍanî
em nehamete û
lenêw teme sewzeketa
bała ekem
heta êsta
řojî sed car
şewî sed car
ekewme ber pelamarî
tarîkayî û
zirmey postał
esûtêm û....ejyêmewe.
de bêrewe
tasey geştî
jêr sêberî xewnekanit
pencey şê’rî min egûşêt.
de bêrewe
ba le ahengî
emcarey ledaykibûnta
serçopîkêş
şê’rêkî serşêtanem bê.
çopî be des firîştekanewe nedat
qoł le qołî gerdelûla
sema bikat.