emşew dîsan şepolêk hat

emşew dîsan şepolêk hat
bonî baweşî toy eda
estêrekan heta beyan
nebînran û çirpeyan nehat
emşew min û tenyayî û to
sê hawřê bûyn
beranber be xew rawestayn
emşew asman heta beyan
jan eygirt û
koşî ḧewşe û serşanî hemû darekan
piř bû le pepûley sipî
toş dayeney kiraseket piř kirdibû
pê’ekenît
ay ke çende pêkenînî to şîrîne
pêkenînit biłêsey şadmanîye
pepûlekan bedewr serta sema eken
ke to nebî
ke zayełey pêkenînî to nemênê
hemû xamoş û bêdengin
ke to bibî û pêbkenî
min û hemû pepûlekan
da’ebarîn
bedewr serta sema ekeyn
qoł le qołî gerdelûla bała ekeyn
dar goranîy řawestan û
guł cwanîman bo exwênê
pêkenînit
diłdarîy serşêtaneman
pê fêr eka.