azîz

azîz!
şewe û zemawende
ewey mawe û ewey beřwałet xewtuwe
heryek destî doy bêwêney xoy girtuwe
řeşbełeke, teḧa lew gewre gowende
çawenwařîy bûkî beyan diłinşîne
azîz! were toş bîbîne
bûkî beyan,
wêřay lawjey bařekewan
beřêweye
herçî biřway be şew heye lem nêweye
azîz!
řaste tîẍî beyan
hezaran car le gerdinî şew xişawe
bełam azîz!
şew her mawe
qełay mêrdan her demênê
topî zeman nayřûxênê
azîz! emin,
des be dawî zulfî řeşî şewa degirim
zulfî leser řû ladedem
ta hetawî beyanî řûy xoy binwênê
řeşî û tûşî biřewênê
azîz!
le jêr řeşmałî şew
hezar hezar řemz û řaze
le nêw dwênê û sozî êsta şewî řeşim berdebaze
qełay mêrdan dełên şewe
ewey dizêwe nek şewe, şîrîn xeweazîz!
biřwane estêre, le naxî şew ecrîwênin
şine, şewba, sirwe, şîba, tenya be şew xemřewênin
şew pêşengî beyanîye
pêt waye nîye?