namey neftînit yek řo bad awerd
Li pirtûka:
Dîwanî Mewlewî
Berhema:
Mewlewî (1806-1882)
2 Xulek
673 Dîtin
namey neftînit yek řo bad awerd
kiłpey biłêsey kûrem zyad kerd
dełałet coşo çun řoy azadî
germey germî nezim bezmî piř şadî
seday «law hey law», ziřey zeřzincîr
siłsiłe û banîser, bendizrê û lagîr
zîley gware û ziringey zengiłey zeř
lerzey newnemam, lerey lîmoy teř
şewqî zerq û berq, ferqî zeř kiław
wirşe û pirşey xûy kułmî bo guław
şeqe û teqey germ, çepłe û çîłey nerim
çirîkey we naz, tirîkey we şerim
semay desmałan, řemay newhałan
nemay melalan, nimay weşḧałan
çifey gerden keç, mergî min çêş waç
xayn we xefet, nezan ciger paç
larey qetarey law şedelaran
îşarey kemkem pence wişaran
şaxey şirîxey xişłî nîme řeng
fiřey fotey şor, pajnoy gułeng çeng
xişe û xişpey xas, tirpey pencey kewş
’îşwe û nezaket, kirîşmey bêxewş
we lîmoy ałay kałay bałay şeng
qirçe û çoqey cerg, dił we xeman teng
xemya û çemyay naz nîmçe kinaçan
dengî hey şabaş newciwan waçan
şabaşî şadîy şeyday şabaşan
xasxas kizey soz derûn xaşxaşan
yaran, yaweran, hay derdedaran
beydê bikerdê min sengebaran
ce neḧsîy tałe û ce bed’îqbałîm
her ko firseten min yage xałîm
řû ew şîwenan dey ecel borê
new bezmî şîrîn mayey her şorê
ta wey řengî zerd çun xezanewe
sîmî safî hers kes nezanewe
herlayê badey şewqêwem werda
yekser ser çun gyan şabaşim kerda
xało gyan naman pey new nemaman
gyan dan we mobet, pey me’dûmNasnava edebî aman