newwehar xemîn
Li pirtûka:
Dîwanî Bêsaranî
Berhema:
Bêsaranî (1643-1702)
1 Xulek
582 Dîtin
newwehar xemîn
’eceb newwehar, diłgîrî xemîn
hor megêro be dîdey nemîn
mewaro be taw we řûy serzemîn
şetawan çûn mar pêç medan wehem
nepay wefrawan pêşan mebo cem
serkowan temîn, deştan gird zeřgûn
bułbuł mijnewo, sazî erẍenûn
ce me’denî xar guł bermawero
heryek be řengê peyda mekero
mejnewo be soz, megrewa be zar
be wêney ’aşiq derûn piř ce xar
ga şaden be seyr, şikofey gułan
gahê zelîlen, çûn řefte diłan
ewsa kem mebo şewqî şołey guł
wêney derdedar let let mebo dił
derdedar mebo wêney bułbuł bo
daym întîzar be dyen guł bo
ax pey ḧekîmê danşimendî dił
maze ḧesretmend, dax bero we gił