qîblem diłey sext
Li pirtûka:
Dîwanî Bêsaranî
Berhema:
Bêsaranî (1643-1702)
1 Xulek
815 Dîtin
qîblem diłey sext ...
yawa we gerdûn nałey diłey sext
dûdî derûnim sya kerden sext
ce qełwezî hûn giłkun byen řext
fîraqî ḧesret ce new xêzawe
dîdey nabînam esrîn řêzawe
şewqim tewqî xem şî negerdenş
ladê nîn qîblem şadî kerdenş
çep gerdî gerdûn, bedbext, bê aman
min wist ew toř dam ne řay bê saman
pey dîden dîdet leylî řû bê gerd
min destepaçe û dił henaseserd
ne sewr, ne aram, ce bedîy tałem
herasan byen ałem ce nałem
destim damanit sewłî xeraman
bikyane mełhem pey şefay zaman
bełkem emcarîç gerden ce gerd pak
nedyenî bałat neberûn be xak