sosen gułê dîm boş çûn ’enber bî
Li pirtûka:
Dîwanî Bêsaranî
Berhema:
Bêsaranî (1643-1702)
1 Xulek
824 Dîtin
sosen gułê dîm, boş çûn ’enber bî
dehen şikestey, badî seḧer bî
yeqîn xo newxêz xunçey sawa bî
ce weş boş maway xuten awa bî
bełê sub seḧer pêkabê lafê
zułf lûl lewlaw, muşkîn kiłafê
watiş minîç bom, wêney boy zułfen
welê ew çîn çîn sertapa kułfen
nimez bay şemał, ce řûy zułf deste
çeneş mijnewo çend laf bey ceste
bê ḧîsab qarê ne dił mibero
bê ca dehanş şikest midero
ce pêkay ew laf bê mewzûnewe
hêmay dehanş ha bew xûnewe