deway ze’fî dił
Li pirtûka:
Dîwanî Bêsaranî
Berhema:
Bêsaranî (1643-1702)
1 Xulek
582 Dîtin
deway ze’fî dił ...
ḧekîm nimana, deway ze’fî dił
řêzey qend bos xunçey dehen guł
sayey perwerdey zułf bo sunbuł
cur’ey ce şerbet mînay mestî yar
qetrey ce ’ereq, gułî fam řuxsar
’ennabî leban, şerbetî lîmoş
be şem’î dîdar bawerî be coş
be germî ew şem’ beyan ne qewam
hem def’î ze’fen, hem deway sersam
mahîy seqenqur, sîm saq saf
mîsqałê ce muşk ahûy xuten naf
pey derdedaran her êden ’îlac
çûb çînînen pey serdî mîzac
nusxey ey dewa perê řozgar
nîgaş bidaran hem dił, hem diłdar