diłe hûnawan
Li pirtûka:
Dîwanî Bêsaranî
Berhema:
Bêsaranî (1643-1702)
1 Xulek
710 Dîtin
diłe hûnawan ...
wes derem ne cerg bey tewr hûnawan
wes şehîdim ker, yende bê tawan
wes nawim kem ker ce nawî nawan
wes derem ne cerg nêşî ełmasan
wes çûn qesîm ker ce zêd herasan
ba wes bikêşûn sizay اناالحقErebî
ba wes bisozûn we ayr dozex
diłe dît ferhad taşa bêstûn
dît çêş ama pêş şayê çûn mecnûn?
dît behram ce çîn çûn bî xak nişîn
dît çûn weylan bî xesrew pey şîrîn?
dît poşa zunnar şêxî sen’anî
dît çûn kefit yûsif ne çay zułmanî?
ewan gird xerîk new wiłatê bîn
her yek padşay ser bîsatê bîn
bew gişt esase û genc û małewe
bew gişt cewahîr daney lałewe
bew gişt şewq û zewq bew cemînewe
bew nazenînî dinya û dînewe
nekerden ’îlac derdedarî dił
ta menził berden be serḧedî gił
sa to çe ḧasił cefa berdenit
her ah bikêşe ta řoy merdenit