çiraẍim çigîr dest çîn to dîm
Li pirtûka:
Dîwanî Bêsaranî
Berhema:
Bêsaranî (1643-1702)
1 Xulek
746 Dîtin
çiraẍim çigîr dest çîn to dîm
seng be seng gêłam fîday yek yek bîm
persam ey çigîr seng ce seng cya
ye destî kê bî toş we hem nya?
watî ziłêxay bum xore zerden
be pencey sêweng êmeş cem kerden
cew bone mebûn be fîday sengiş
ełbet şineften řazê ce dengiş
ew sengî çigîr azîz nyabê
fîdaş bam fîda, hêmay new cabê
min yend sebirim kerd seng nebî welał
ha, min bîm we seng, seng bî we zuxał