gêjeng-sûtan

ke dêyt gerdaw legeł xotda ehênît û
minîş kenarêkim ke şew
lenaw tenyayîma ezê
- çon bitwanim şepolekan agadar kem?!
- daw - asmanit lê nedzê
çîm ledest dê?!
em pencane le jîlemoy serdemêkda
kewtûne řê
azar eden be kołî wişey sutawa û
wişeş wekû hejarekan
nan û awyan le min ewê.
çon bitwanim bigeme cê!
hemû řêyek eçêtewe ser «bane»yek
pasewanî çał bo řûnakî qurbanîye
koçerekan heł’ekenê.
dameçłekê!
ke dêyt nîgat pełehewrêke le paşkoy
espî şî’rêkî kujrawa û
le berdemî termî nîroday
sededa da’ebezê
dameçłekê!
ey nazanî kê estêre le çyakanit edzê?!
ey nazanî kêye le sermay naw çawî mindałanta
heł’elerzê?!
ax bo desê wênet leser
lîrey sułtan nenexşênê!
ax bo naxê awî şermî xoşewîstît
le tacî şa nepirjênê.
ax bo çawim ke etbînêt û natbînê
ax bo çawim ke
ax bo...
ax!ger xoşewîstît eyewê
legeł awda beyektirman binasênê
le kenarda lêt win ebim,
pêy biłê ba bimxate naw gêjengewe
sûřanewe le gêjengida namwestênê!
ger xoşewîstît eyewê
be mirdinim binasênê
le pêxefda lêt win ebim
pêy biłê ba le hestanda bimsûtênê
ey nazanî sûtan
hestan ewrûjênê?!
ey nazanî?!
ey!