muḧebbet bote daxî řoḧ û gyanim
Li pirtûka:
Hewargey Diɫan
Berhema:
Seyd Tahîr Haşmî (1915-1991)
2 Xulek
777 Dîtin
muḧebbet bote daxî řoḧ û gyanim
muḧebbet birdî aram û tewanim
muḧebbet pêm debexşê tacî şahî
muḧebbet pêm eda bergî gedayî
muḧebbet bote agirî zor betawim
desûtênê hemû cerg û henawim
muḧebbet şêr dekate mameřêwî
muḧebbet xełk dekate weḧşî kêwî
muḧebbet bo peřey dił nîşî xare
muḧebbet bo gerûy gyan jarî mare
muḧebbet wek ’ezabêkî elîme
kesê bû mubtełay, daym seqîme
muḧebbet zîllete û xwarî û xefîfî
muḧebbet mîḧnete û zarî û ze’îfî
muḧebbet ye’is û bêzarî û ḧîrman
muḧebbet derdî bê payan û derman
muḧebbet mekir û xud’e û kîzbî eqwal
muḧebbet zułmetî exlaq û ef’al
muḧebbet nexłî baxî na’umêdî
muḧebbet bê muradî û bê murîdî
muḧebbet newberî baxî melamet
muḧebbet sûdî sermayey nedamet
muḧebbet nifret û dûrî le însan
muḧebbet weḧşet û dirjî le yaran
muḧebbet xulfî we’de û dûzebanî
bezahîr guł bełam diřkî nehanî
muḧebbet dûzebanî û dûkirasî
muḧebbet bednehadî û bê esasî
muḧebbet nefîy hawřêyî û řefaqet
muḧebbet terdî îxlas û sedaqet
muḧebbet qetrekey firmêskî ’uşşaq
muḧebbet ahekey gyansozî muştaq
muḧebbet bas û bednamî zemane
muḧebbet bohemû tîrê nîşane
muḧebbet ẍaretî zuhd û tesewuf
muḧebbet ba’îsî ax û te’essuf
muḧebbet dûr le şêwey ehlî ’îrfan
muḧebbet neqzî ḧukmî ’eqił û îman
muḧebbet zułmetî bê sefwetî dił
muḧebbet zeḧmetî bê řeḧmetî dił
muḧebbet meḧwî řê û ayînî pakan
muḧebbet ředdî daway sîneçakan
muḧebbet ah û nałe û diłifgarî
muḧebbet mîḧnet û giryan û zarî
muḧebbet tahîraNasnava edebî behre û nesîbit
muḧebbet day be em çeşne ferîbit