esp û çira û mang

-babe boçî espekey «şêx»
le binarda kewt û gila û
nebû be «ba» û
be biruskew
sernekewte ser tiropkî
paşeřoj û
şaxî hetaw?!
- kuřim.. îngilîz.. dawî îngilîz
îngilîz.. xistî
îngilîz..girtî
îngilîz.. kuştî!
- ey babe bo çiray ałay
naw befranbarî mehabad
le temenêkî zor kurtida
kurtitir le gułî dar çwale û
kurtitir le xewnî pepûle
pirşingekanî hełwerî û
diłî westa?!- kuřim! fûy řûs
fûy «sitalîn» û «sełtene» û
gořînewey xwênî kurdistan be newt û
mezate gewrekey dinya!
- ey babe em «mang»ey êsta
ke le asoy xwênmanewe bû be xewnî
goyje û metîn wisefîn û
lenaw serî mêjûyekî şehîdewe
xermaney da?!
babe..babe ey emeyan
em mangeyan
kê eykujê?!- kuřim.. kurd xoy.. her xoy û xoykesî tir na
emcareyan xoy eykujê
xoy eykujê
xoy!!